Document Actions
USA Mawtkung loh Kol ram Thovael nah Atongcoeng tila Athui
January 26, 2012: Kol ram ah democracy ham thovael nah atong hangcoeng tila 2012 kum aram ham American parliament ah ol athui vaengah American mawtkug Barack Obama loh aparhoih tih athui thil laom.
American kah mawtna ben athai koep ha cilpoe hang hetah diklaipumtom ah boeih m’hmuh thai, Europe neh Asia kah ram cana hetah American kah patai rhoek atha ta-aep ha om hang tila mawtkung Obama loh athui.
American hetah Asia-Pacific hmuen kah atha laom tihe tuengsak laom coeng, Kolram khui ah thovael nah atong hang coeng he ngai uep nah khosae ha aang athai pakhat nitila mawt kung Obama loh athui.
Kolram ah rhalkap barhan loh rhalkap angki hainaak adul tih barhan la thovael phoei ah American foreign minister Mrs. Hillary Clinton Kol kho la yin tih Kol ram mawt kung rhalkap boei rheum U Thein Sein barhan neh democracy mawtkung Nuham Aung San Suu Kyi neh tong arhoi laom.
