Sandarkuu block No.2 ah kaom Daw Ma Tet imm khui ah bomb tila apoek uh hno pakhat tah pook khungdaeng dongah Ma Tet kah capa kumthum tluk acapa Maung Win Kyaw he nawn tah pahoi duek tih acanu kum nga katling coeng Ma Win Win Khaing he ngawn tah bangha anah dong ah Tamu si imm ah emergency la akhuen uh.

Bomb pook nah imm taeng kah tlang rhoek loh bbc taeng ah athui na ah “ avang ben ah katho kapong  Manipur Ka Te khohong thlang neh kapaeh tlaih  tuuk kaai thlang pakhat loh Daw Ma Tet  imm ah halo phoei ah moeh ayalh thlan neh pahoi pook laom tih anih he Police rhoek loh tahae ah atlam uh tila minglaom.

Tamu, Kalay kho pingpang ah India lam kaloh kaphaeng uh khohong thlang rhoek he Kol barhan loh amamih kho bangla abaekuep sak uh,lungpok carhuep kamuk thlang rhoek vawk avan uh dongah amamih neh amamih kaap uthae, bomb neh dae uthae he alak lak ah aom dongah hi ah kaom rhoek securty ben ah amuei ahna tlak puel uh tila minglaom.