Document Actions
News
Site News
Zomi National Congress Party ming neh Party Sai sakpawh
May 17, 2012: Union Election Commission loh Zomi National Congress party(ZNC) kah aming neh Party thong sak ham angaih pah patdongah hekah ayueng atlang aming neh party koep kasai nitila Party mawt kung Pu Cin Shin Thang loh athui.
Chin Party Panit rhoi Pakhat la Pai ni
May 16, 2012: 2010 maekduen vaengah maek kaduen rhoi tih akapai Chin National Party(CNP) neh Chin Progressive Party(CPP) rhoi he Chin ram yueng la ati rhoi dongah rhen ah pakhat lapai rhoi ni tila minglaom.
Kachin he Kaap Mangkhak voel boeh tila UNFC loh Bihnah akhueh
May 15, 2012 : Kachin ramkhui ah vawk thup naben he hmai hla June 10 hil ah Kol barhan benlamkaloh naduem pat angawn tah kathlang rhoek neh nadang tih nasai rhoepnah saicana he koep kho khan laom nitila United Nationalities Federal Council(UNFC) loh May 10 hnin ah hoenah akhueh.
Tamu kho ah Kol rhalkap Amah kah Apuei rhoek Mat Mat Akah tih 4 Duek
May 14, 2012: India-Kol ramri Tamu-Kalay longpuei ah kaom Khampat (checking Gate) taeng kah Tuivang khote ah kavan thuk kavan hang Falam kungsut Kha Mah Yah(266) battalion kah rhalkap thlang panit rhoi loh ama mih kah athlang rhalboei Ra Za Htwe neh rhalkap pathum rhoek he hlaem May 10 hnin khoyin vaeng ah mat mat akah tih duek.
Kolthlang rhoek Koep Hamael uh laeh tila U Thein Sein loh Akhue
May 13, 2012: Friday hnin Kol ram barhan mawtkung kah imm( President office) ah thoh tat naben hno sai nah humtun na-ah mawt kung U Thein Sein loh kho ram thovael tih rhoeng nahang ham ah ramtloe kapha Kol thlang cueih rhoek, ama mih kah bung khut na ben ah caa acang tih kaboeih coeng rhoek, khueh tawn naben kah bii kakhueh rhoek neh rhoep saep ben boeih dongah ramtloe kapha Kol thlang tom ram arhoeng nahang hamla Kol kho khui ah koep hamael uh laeh tila koep akhue.
Olympic Hmaithoi Atok uhtih Akhuen uhcoeng
May 11, 2012: July hla vaengah atong uh pawn ni London Olympic vaeng ah avaang uh ham ah titih Olympic hmaithoi he patoeng – patoeng doe uthae vitih akhuen uhham hekah hmaithoi atok nauh atue he hnin Greece ram ah atong uhtih ahno nauh.
Nuham Suu Kyi Passport Adang coeng
May 9, 2012 : Kol ram democracy mawtkung Nuham Aung San Suu Kyi hetah Kol barhan loh kho kum 24 khui ah avoeikhat nala ramtloe ah ayin naham passport apaek coeng. Nuham Suu Kyi hetah Norway ram neh Britain ramla yin caeh ham rhoekbah nah akhueh.
Matupi S.H.S No. 1 ah Computer neh Library Kakhueh pani ati
April 8, 2012: Chin ram kah High School cana ah computer neh Library cana ka khueh ni tila Amania Medical University ah Doctor kadang Chin thlangnoe Dr. Sa Sa loh athui.
Kol ram la Dollar $10,000 Nakaelh tih Nakhuen thai Coeng
April 4, 2012: Ramtloe lamkaloh Kol ram la kayin dingdoeng rhoek khaw, Ramtloe kapha Kol thlang rhoek khaw saeh Kol ram khui ah nakun uh vaengah Dollar $10,000 (pat atah) dollar $10,000 neh kavai arhoi ramtloe tangka nakaelh utih nakhuen uthai coeng tila Central Bank of Burma(Myanmar) loh hoe nah akhueh coeng.
Tahae hilah NLD loh Maek rhaep Ata nah Ahmuen cana( 21 hour 45 minute)
April 1, 2012: Adangkah ahmuen rhoek ah NLD thlang tueih rhoek loh maek mae maeh ata coeng tila NLD loh hoe nah akhueh.
Maek sang ham dong ah Yuva Thlang 14 Paek Uthae Coeng ati
March 31, 2012 : Sagaing kho Dawng Mah neh Sin Myae kho tae ah thangvuen April 1, by election vaengah maek paek hamlneh paeh tlaih - tuuk kai tih yuva rhoek laklo ah akopoek ahloeh hloeh la aom uh dongah kapaek uthae yuva thlang 14 hom om uh coeng tila minglaom.
NLD Maek Napaek atah Na Khuklu Hlawt Kanboh uhni Atinah
March 30, 2012: Magwe division Election commission rhoekloh Myin Win khotae kah camoe rhoek kah cacang nah imm ah maek paek, maekduen nah akawng neh paehtlaih tuuk kai tih cangpuei nah akhueh uhli vaengah thlang pathum phuei halo uhtih NLD maek napaek uh angawn tah nakhuklu hlawt hlawt boeih kan boh uhni atina uhdongah kho moeh ngae uthae tila minglaom.
Malaysia kah Prime Minister Boei Kol ram la Cet ni
March 26, 2012 : Malaysia kah prime minister Najib Razak hetah Kol ram ah sai ham kamhlah uh maekduen (by–election)tomca vaengah patai yin la hapawk nitila Malaysia olthang media cana dongah atuueng sak uh.
Kaimih he Kamangkhak Thlang moenih tila Minister U Kyaw San loh Athui
March 24, 2012 : Kol ram kah Culture neh information Ministry kah Minister U Kyaw San loh kaimih he barhan khui ah mangkhak thlang pakhat moenih tila athui.
Derek Mitchell Taeng ah Khokung rhoek loh Caa Apaek uh
March 23, 2012: American kak khopuei 67 hmuen ah akaom Kol ram kah khokung thlang rhoek loh Kolram khui kah khokung thlang rhoek aom nah ahmuen ah rhalkaap loh ahnaem ataek ayaak tih thlang hing kah ayo tueng(human rights) cana aphae he duem sak hamla Kol ram ham olpuei la American thlangtueih Mr. Derek Mitchell taeng ah catui anam utih apaek neh puen uh.
Bangsap Nat nah
March 23, 2012: Measles amingnah bangsap nat nahe tah aka rhoeng li khoram kah camoe rhoek taengah ayetngai la om tih rhaengmam neh ayok tih khuh lamkaloh patoeng ayoei koek cana doe uthae thai laom. Nat nah aom coengatah yoethae dang nahang hil ah tlueng pawk laom. Tedae hekah nat naham lamhma awt la si kah naben(vaccine) kah angawn tah ayoei koek cala kham thai ballaom.
Naypyidaw ah NLD Kapaai puei Lekthik Hmai Dangpawh
March 22, 2012: Naypyidaw ah kaom NLD kah signboard a mah imm hmai ah atai thil dongah lekthik hmai apaek umueh la arhael taak tila NLD party manager U Nyan Win loh athui.
1 Dollar Kyat 820/- neh Tho Pawn ni ati
March 22, 2012: Kol tangka Kyat neh American Dollar thophu he market khui kah aphu ning 1 dollar neh Kol tangka kyat 820/- la khueh ham ah central bank of Burma loh tho tat nah akhueh coeng tila private bank kah boei rhoek kah aol akaa cana aloh tih Reuter olthang puei dongah atuueng sak.
Kol ram Pumtom ah Maek(Vote list)Athuem Ahang laom pawh
March 21, 2012: April 1 hnin ah maek sangham kamhlah nah By-election sai ham kho yalhnih tluk angaih van neh Kol ram pumtom khuiah Maek kasang ham rhoek kah ming (vote list) cana athuem ahang la aom moe nih tila NLD aham cala kaom U Nyan Win loh hlaem ah athui.
Taluk Palik rhoek loh Kol thlang 600 hlaai Atuuk
March 20, 2012 : Taluk neh Kol ramri Shweli neh Kyaekawng kho ah bii kabi Kol thlang rhoek he Taluk palik rhoek loh hnuk yalh lamkaloh atong uh tih atuuk uhdongah Kol thlang 600 hlaai atuuk uh coeng tila Taluk ramri ah kaom rhoek loh athui.
