Thailand – Kol ramri Maesot neh rhen ah Tak district kah kho 9 ko ah bii kabi thlang rhoek Kol ram kah thlang 400,000 tluk rhoek he hmai thla lamkaloh boeih Kol ram la thak ham tih Kilkalh ham ah asai uh passport (temporary passport) koep sai uh ham la Thailand Labour office loh tahae hla sae lamkaloh hoe nah akhueh .

Kathui uh khui ah na kho naram la koep namael uhtih passport aloe la nasai uh pawt ahngawn tah Thailand barhan kah tuuk la om vitih ngaih nabang la sai laom ni tila hoe nakhui ah athui tih minglaom.

 Thailand labor Ministry loh Thailand ram khui ah bii kabi thlang boei boeih ham ah asai pah identicard hetah tahae hla 20 lamkaloh hmai hla 28khui ah atue boeih vitih koep tom la om voel mah pawh tila loh athui.

Kol ram kah bii bi thlang rhoek ham ah tahae hla 9 vaeng lamkaloh atong tih Mya Wa Dy camp lamkaloh asai pah  temporary passport hetah kum rhuk khui ah ahno nathai laom vitih hekah certificate hetah Thailand ram khui ah nangaih bangla bii bi nah thai laom ni, bii bi phu he khaw athuem la adang tueng tah adang uh pawn ni tila Kol ram kah labor ministry lamkaloh hoe nahakhueh.

Thailand ramkhui ah kil kalh khui ham passport kapom rhoek long he kum thum visa phu la Thai bath tangka 450 hetah Bangkok Kol embassy imm ah apaek uhla om ni.

Thailand – Kol ramri Tak district khui ah Kol thlang 400,000 aom uh khui ah 200,000 hlai hetah Maesot kho kah saeh imm cana neh dum cana, imm lo sak naben ko ah bii abi uh ati.