Tahae kah motor car lungpuei he Paletwa kho Shinletwa lamkaloh Lailenpi laklo ah acong nah motor car longpuei la om tih Lailenpi- Shinletwa longpuei hetah kho hnin at ni kho neh caeh nah longpuei laom tila athui uh.

Amaengtaeng natah “ kaladan tuivapuei  taengah kaom Shinletwa lamkaloh Lailenpi, lamkaloh Rezua- Haka hil ah atuk uh vitih cong uthae ham lani. Tahae ti ah kaom rhaengpuei thlang 300 rhoek loh ama mih kah buh cun neh long adaeng uh coeng tila Maram Evengelical Church kah pastor pakhat loh chin olthang pakhat la kaom khonumthung olthang taeng ah thang thui tih minglaom.

India neh Kol barhan long he Kaladan tuivapuei soep rhaep ben ah rhoeng nathai ham kam hlah nah asai li la om hang tih Lailenpi-Shinletwa motor car longpuei he acoeng sak thai hang atah  Haka lamkaloh Paletwa hil ah hnopai khuen thuk khuen hang naben ayoei koek cala khuen thai laom ni tila athui.

Paletwa lamkaloh Kaladan tuivapuei donglamkaloh cethangvitih, Shinletwa lamkaloh Lailenpi-Rezau- Haka la akhuen hang vitih hnin at neh Haka apha hangthai ni tila minglaom.

Tahae kah motor car longpuei he puk acoeng hang thai atah Paletwa lamkah caak ook cana, Rakhine kho kah caak ook cana Haka la direct  athak uhang thai laom vitih, northern chin ram kah hnopai cana Paletwa la direct hnin at neh athak thai laom pawn ni tila hnopai kayoi rhoek loh athui uh.