NLD executive committee rhoek long he state, division neh town ship tom lamkah maek kaduen thlang rhoek kah amingcana acaih la athaih phoei ah atuek laom ni tila minglaom.

“ Adang  kho tom(township) ko lamkah maek duen ham kangaih rhoek ham khaw poek nah om, state neh division lamkah thlang rhoek ham khaw kapoek pah, phoei ah hmai long kho kan nahang ham ah coeng thai ni kati thlang rhoek he central lamkaloh hmoel nabang la kapoek uh, poek naben ah olpuei lamngawn tah hoenabang la maek aduen nah khohmuen boeih ah maek moeh kadang thai thlang he ni. Apahnih na ah Party kah democracy so ah kopoek rhaep kakhueh thlang, apathum na ah cueih thoem nah akhueh tih experience kakhueh coeng, phoei ah hekhui ah khokung thlang rhoek neh Nu rhoek, thlang noe rhoek he olpuei la paek tih duen sakham ah oep soeh la tuek ham la kakam hlah uh” tila U Ung Kyaing loh athui.

Hnin kah hoe nadongah Rangoon division, Mandalay division, Pegu division, Mon state, Shan state,neh Irrawaddy division ah maek duen ham thlang tueih rhoek kah ming cana he hoe nah akhueh.

Rangoon division khui ah ngawn tah Kawh Hmu town ship lamkaloh nuham Aung San Suu Kyi loh maek aduen ni, Daw Su Su Lwin loh Tong Khauh township, Daw Phyu Phyu Tin loh Mingalar Tong Nyunt township, U Phyo Min Thein loh Hlae Ku neh Dr. May Win Myint loh Mayan Kung township ah maek aduen laom ni.

Chin ram ham ah ngawn tah tahae hil ah tueng sak hlan laom dae Matupi ah ngawn tah hlaem ca ah NLD ham nu rhoek ngol tun nah akhueh uh tila ming laom.

Matupi lam kalong khaw  nuham Aung San Suu Kyi loh kol ram democracy ham la titih Matu thlang rhoek loh athoh atat uh puei dong ah Jail khui ah kho kum moeh tla uh tih alu kapae rhoek khaw om uh laom.