Document Actions
January 19 hnin ah India-Burma Naypyitaw ah Thui tuen nah Akhueh ni
Jan 17, 2012 : January 19 hnin Nay Pyi Daw ah India neh Kol barhan kah home secretary level amih rhoek he hmai long ah caeh nahang ham koicana, India north-east kah kho hong thlang kawng neh paeh tlaih tuuk kaai naben, ahmuep la sithae yoih thuk yoih hang naben, lungpok carhuep ahmuep la thak thuk thk hang neben neh atloe olpuei la kaom cana thui tuen nah khueh uthae ni tila minglaom.
India Home secretary R K Singh neh athlang rhoek hetah Nay Pyi Daw ah cet uh vitih Kol barhan rhoek neh India north east ben ah angai tlal athlih nakawng Kol ram khui ah baekuep uhtih India vawk kakaap rhoek neh rhen ah ULFA commander-in-chief Paresh Baruah Kol kho khui ah abae kuep sak kawng khaw thui caih laom ni.
New Delhi lamkalong ngawn tah hnuk hlaem vai vaeng lamkaloh Nay Pyi Daw barhan rhoek taeng ah tlueng ah tluel tluelh hamvai laeh tila abih tah ULFA, NSCN, UNLF neh atloe khohong thlang rhoek Kachin ram ah akungsut uh he ni. India neh Kol ram ri hetah 1640 km sen tih Arunachal Pradesh, Nagaland, Manipur neh Mizoram hetah Kol ram neh ben uthae laom.
