Kho kum 23 yalh utih Kol rhalkap ka hnoel kacawt CNF neh Kol barhan benlam kah loh railway minister U Aung Min loh auk ataem tih Union Minister rhoek neh CNF rhoek tahae kabangla  rhoep nah athui uhvaengah oltloek nah akhueh uhlaom.

CNF (liaison office) he Matupi neh Tedim ah khueh ham tila oltloek nah akhueh uhdae koep voek hlak nah koep khueh ham  tila minglaom. Liaison  office he South, Middle, North Chin ram ah khueh hamla oltloek nah akhueh uh.

CNF liaison office imm he  southern, middle, northern Chin ram Matupi, Than Tlang neh Tedim kho ko ah akhueh uh vitih CNF rhalkap thoh pong nah ahmuen cana khaw akhueh sak uh tila minglaom.

Kho hnin hnih rhoep nah ol thui nah hnin ah CNF ben kah thlang tueih thlang 10 tluk thum utih Kol barhan ben lamkah  Rail way minister U Aung Min, Forest minister U Win Htun, state benkah aham ca lakaom ram ri uk taem kung minister Col. Zaw Min Oo neh state barhan kah aham ca rhoek thum uh tilam khaw minglaom.

Kah nauthae ben duem ham, liaison office khueh ham, kho khat neh khat caeh vaengah lamhma awt ah yak sak nah khueh uthae ham, kho khui ah rhoeng thai naben barhan neh bong yong uthae ham, neh rhen ah ol tloek nah 5 hna tlak nah akhueh uh laom.

1988 kum lamkaloh 2012 kum khui ah Kol rhalkap neh CNF akah arhoi dongah CNF rhalkap thlang 70 tluk duek coeng tila CNF benkah thlang rhoek loh athui. 2003 kum phoei lamkaloh rhalkah naben om voel pawh tila mizzima olthang dongah atuueng sak.

CNF loh Kol barhan kah 2008 constitution dan bu he akangaih pawt thlang laom. Mawt kung U Thein Sein loh rhoep nah olthui sih tivaengah khokung thlang rhoek taengah hnuk kum September hla lamkaloh hloep hloep akhue tih hum tun nah akhueh puei tih CNF hetah apali nah akhue tih rhoep nah ol athui puei laom.

Kol rhalkap barhan loh rhoep nah sai sih tivaengah kum 60 hlai aram ham ah lungpok carhuep amuk tih tahae hilah Kol rhalkap kakaap  Kachin rhalkap rhoek long ngawn tah hlaem ah Kol rhalkap ham hnopai vawk kathak helicopter pakhat he Kachin rhoek loh akah padongah pawlh tla tih helicopter kading sak kung duek tila minglaom.

Mawt kung U Thein Sein loh Kachin rhoek kaap voel boeh ati nadae tahae hil ah voei 100 hlai kaap uthae pueng tila Kachin ben lamkah ol thang dongah minglaom.

 Rhoep nah ol thui na ah Matu thlang kathum om pawh tila minglaom.