Chin ram kah chief minister U Hung Ngai,  Minister U Ngun San Aung neh Chin ramkah thlang tueih apahnih nah mawtkung U Ung Lwin, U Kyaw Ngein, U Ning Naing neh ENDP party kah thlangtueih U Van Cin amih rhoek he thum vitih cet uh ni tila ming laom dae amih rhoi bueng ni hampha tila minglaom.

“ Prime minister U Hung Ngai halo moenih, U Ngun San Aung neh U Ung Lwin(Aung Lawh) amih rhoi ngawn halo tih, balae athui tingawn tah kaming uh pawh. Hapai nah Saturday hnin ah Matupi- Ting Long motor car longpuei adaeng na ah cet tih asawt rhoi tila ”   minglaom.

Thang vuen Monday day hnin ah Rezau la cet uh ni tila minglaom.

Naypyidaw lamkah ol thang yaak na dong ah Chin ram kah prime minister namah rhaep nacet vitih kho kha nah kawng hip ham la atueih uh” tila Haka kah thlang pakhat loh athui tila Chin olthang pakhat lakaom khonumthung loh athut tih minglaom.

Prime minister neh minister rhoek he Matupi, Lailenpi kho kah sii im hekhaw pahoi aoong pah vitih rhen ah ama mih buh cun neh long kadaeng rhoek khaw ahmuh naham ah cet uhni tilam khaw  minglaom.

Amih rhoek he Rakhine ram Sittwe kho puei lamkaloh patoeng Paletwa la cet uh vitih Magwe division Pakokku lamkaloh patoeng Mindat, Matupi ben la cet uhni. Phoei ah Rezua lamkaloh Haka la patoeng patoeng cet uh ni ataai tih atueng sak.