Khotue he ngawn tah Matu: cako: boeih loh inti: uh van dae ha tah Losak he tah Ngala: kah BaTu: rhoek kah ming khue ngai bang la ka poek. Losak ah ana dae uh thae he khaw Batu: rhoek loh Ya:n lam kah Lung Ngo, Thai Phum rhoek neh ana om tu:n vaeng lam kah Singyoe pakhat pawn ni. Tang La: so:l ke ti hae due ah Thai Phu:m rhoek loh Ya:n ol ngai neh athuk ngai la asak uh thai pueng. Losak Khotue he Paletwah va:ng ah kho aka sa rhoek manu: ca Khu Mi: rhoek long khaw 1960 rhuet rhat hil ah tah asak uh van pueng dae ,te hae ah tah asak u pueng poek a: ka ming voel pawh.

Ngala: Batu: ca: rhoek kah Losak ,mik ken neh hae uh phai lah sih,..

Rhal vang khai Ya:n ah ana dae na: uh thae hmuen akungkueng ben  ah ke Tui Hawl kung nu pakhat om. Te tui hawl thing te Lomai lam kah loh apai tong tih Apathum pai na: ah Lo ana sak uh.Im mah hla: lam koi nih,Hoh hla neh Khui hla Hla yaem hla sae rhuet rhat vaeng ah coi ni ka ti.June, July vaeng ah he kho cuidu: tih kongnawt loh sokko: soklong vawng vawng ahok tih.July hla thih ben lam tah Lomai vaeng ah Tuili: Lungpo:k loh malh amuih Ta u: Ta ai khui: akhui coeng dong ah Khui hla inti vaeng ah he Lo ana sak uh.

Losak he Huet nahnin neh Hmueih phum na hnin ti la Hna voei ana sai uh.Patong lung ming thing pai rho pai aka nawt tih Hla atue atang aka ming loh Mincang hi Khopo vaeng ah Mong laeng aboh coeng ah tah Nga La: rhang pui loh  hlang huet coeng ti te ming la om. Huet nahnin ah hmueih la aphum ham koi Hme ae,Ui neh Ai cina awt awt ana tawn uh tih khih ham koi te ana khih uh tih baem ham koi te ana baem uh. Huet nahnin lam kah loh Buh cak Yu ok he tong uh coeng im takuem ah cak ok om. Hmueih phum na hnin ah Ai kho:ng vaeng ah Lo la caet uh coeng, Lo apha neh akhuen rham sa: nen te CITHUI =PATHEN hmueih ahlu:t=Burn offering asai phoei ah amah kut neh atue toi a:n neh thing thaih rham pu: cina te hang oh tih im ah hmueih phum sa neh hmaih athong uh.(Amah kut neh atue bang dong ah lae ka tih ka ti: ah tah ,Lo ah amah poek ah aka po an hna cina, thui na mai ah,Buh rhaeng an, An hlaeng an,Khoipa:Anthui an..  etc..cina ke tah Lomai Lo rhum vaeng lam kah loh ni in cak coeng dong ah ni ne.) Lo kah toi an neh maeh ahmin phoei ah tah Ma nu: koek=Ayu loh Han kaeh hnawn te tet tet ca: pathum la aphen tih maeh thin ayoel yoel neh Buh tham nit tham at akhueh thil tih Tho athueng.Rhung sut, Lung thu neh Am toeng pathum rhoek te tho athueng phoei ah,ayu mah loh maeh thin te aten phoei daeng ah ni, cako: rhang puei loh ka cak uh. Imben Lo vai te Buh ka thak uh thae.Hmueih phum na hnin kho sae tak vaeng ah ngawn tah Buh thak rhoe Buh thak uh thae rhoe cawk cawk phai: la phai; uh thae .Vai khaw na ming  uh van pueng coi nim.Buh thak uh thae ti he bet tom ka ngaih.Losak kho tue tom vaeng ah he Ngan nu loh,Ngan pa: loh or Cava loh Mi sae loh Buh thak he khaw ming ham la om. Kai mih cako: tah kai im mah kho ah ka om hil ah tah ka thak uh thae pueng. Losak koep tom sih,hmueih phum na hnin ah Buh an ka na cak uh phoei ah tah Camoe Cava: rhoek tah Mong laeng atum uh tih hlang dae nah khai la cet uh coeng tih, amah mih thim pui te dae uh thae van. Ti phoei ah Cadong, neh Lung cuei tha om rhoek te dae uh thae. ( Dae uh thae kah akhui acing ngawn tah Rhai neh Hlang rhal tuk nah ni. Hlang aka yo: nah or hlang aka ta hlang long te Rhai ka ta dong ah tu kum tah ka sa ding ni. ka kam om ni cang pai ka ah ni ati tih uep na: uh.

TANG LA:

Tang la:= ati he tah Thai Phum ol ni. Tangla=Hula ati nah ni. Tang la so:l he Hula ayoek nah hla pakhat ni.

Tangla so:l sih ne,....

Tangla aw..... kai kho la cet sih.... tangla boei pa tong mang..... didae.. didae .. didae.... adi.. didae... didae .. didae. eee... didae.... A....Bongma:,,,, ahuk ai te,,, Bongpui kung.. la cu sih...Bongpui ahuk ai te Bongma: kung la cu sih...didae ... didae .. didae.... adi.. didae... didae.. didae.. eee... didae..

A....khosa sih ..khosa sih...a ai ..kho la kho sa aih...Ai thi kho la kho sa si...khosa sih...kho sa sih...asi kho la kho sa sih  Si lo kho la sa sih  ..didae... didae ...didae...adi...didae didae... didae  eee.. didae

A...apa lo ah  rho di hum long  an mai thaih thaih oe....antoi pok...pok ...oe...A..anu lo ah ..cangtu:n cangtang khui ngaw buk ..buk...oe....cang kom pueng.. pueng ..oe...thung laeng yen..yen..oe...a..anu lo tawn na hmuh nim nim oe...apa lo tawn na hmuh nim..nim oe...ka hmu.. pawt oe..pawt oe..ki mah pa taeng ka lam na..a...ka kho: atloh hai bawe...ka cet na ..a.. ka phai ... a tloh hai  baw...didae ...didae... didae... adi... didae ... didae... didae.. eee.. didae...

A...su hoi ham la ka ti ah  sok lak dong long cawt ki voih hum hi su tang man na saeh ...va hoi ham la ka ti ah .. pom taeng cung hai cawt ki bang su cek.. va cek  man na. sae....ahluei ..thung sih thung  sih  ala. thung sih thung...didae ..didae... didae... adi... didae... didae... didae eee. didae...

A..ahae ma co boei ha im.... im..oe.. .ahae maco..ang rhaeng im.. im oe...acak patoeng ..thui lah sih;a ok pa toeng taeng la sih.. buh... aw... buh  aw... ha lo loeih...loeih  oe....amaeh  aw...ha lo loeih...thang vuel kal sak thal pom pah...om vai ..kal cak... thal pom... pah... didae... didae... didae.... adi... didae... didae... didae... ee.. didae...

A...akho...song sing song seng atlan vaeng ah..losak ..aibaem..cawt kivah..longkueng ben la ngawih...ki bung... long dak ben la ngawih ki bung didae... didae... didae.... adi.. didae... didae... didae.eeeedidae....

He tangla he tah paham rhoek Lung Ngo.  Batu:.neh Thai Phum..boeina phung tu:n ana om vaeng kah la pawn ni... Ti mah dae saeh ne..Na om na:  uh takuem ah ..Pathen taeng.. ah na lung buei thin ko: hmueih hlu:t uh lam tah pakhat neh pakhat lung vat nah Losak buh paeh.. paeh ..bai uh thae la: sih..

Pa Pathen loh om ngaih ko hoe ca la kho hlup hlup sak tih thik at la om tu:n he angaih tloe...( Psm,133:1-3) – Val Thang,  (July,14-15)