Tebueng mueh ah kho tlan yet tih, lo neh Laikook kang arhawk dongah caak-ook vawt vai laom tih thlang 100,000 tluk loh ayook uh thai tila Britain kungsut thlang rhen kho apoek utih bom nah vawk kapae (HART) rhoek loh tahae yalh khui ah hoe nah akhueh uh.

Southern Chin ram ben he  toi –aan athawn hang pawt dongah anah la moeh ayook uh ngai ni tila hoe nadongah atuueng sak uh.

Matupi, Kanpalet, Mindat neh Paletwa ben kah thlang rhoek he caak-ook vawt vai nah atong uhdongah Imm lo cana boeih apuen uh mai ni tilam khaw atuueng sak.

Chin ram hetah atloe Kol ram khui kah khokhui cana lak ah khodaeng koek kho laom tih aram khui neh atloe kho ram cana cong nah long puei cana bahoeng arhai dongah ta-aep anah sak hang tila athui.

Hnuk kum vaeng ah Chin ram ah Suu muepatlung bal dongah caak –ook kha tih atloe khote ko ah thlang angen ka duek thlang khaw om.

Tahae Chin ram khui ah NGOs cana he hoel poeng cala tho tat uthai pawh, barhan long khaw khuek cet la hekah ahmuen ko ah cet tih sai heet pawh tila minglaom.